НБРМ: Решението кое што се споделува на социјалните мрежи, не е документ со којшто се укинува дозволата за основање и работење на „Еуростандард банка“

Со цел правилно информирање на јавноста во однос на датумот на укинувањето на дозволата за основање и работење на „Еуростандард банка“ АД Скопје, од Народна банка повторно укажуваат дека дозволата е укината со Решението бр. 15-20139/1 од 12 август 2020 година.

„Решението бр.15-14082/1 од 1 јуни 2020 година, коешто се споделува на социјалните мрежи со штембил на „Еуростандард банка“ АД Скопје, не е документ со којшто се укинува дозволата за основање и работење на „Еуростандард банка“ АД Скопје.

Со ова решение, на Банката, согласно со Законот за банките ѝ беше повлечена согласноста за извршување само на одреден вид финансиски активности – тргување со хартии од вредност во странство, финансиски деривати и сл., за коишто не ги исполнуваше посебните законски услови за да ги извршува. За истото беше информиран и регулаторот на пазарот на капитал,“ се вели во соопштението на НБРМ.

ПОВРЗАНИ ВЕСТИ

Костовски за пропаѓањето на „Еуростандард банка“: Правдата ќе ја барам во странство, ова е долго планиран атак

Сите детали: Народната банка го објави решението за затворање на Еуростандард банка

Стечајот на Еуростандард банка ја „парализира“ Поштата: Запрено плаќањето на сметките, исплата на пензии…