Македонската фудбалска репрезентација ја направи најголемата сензација во својата фудбалска историја со победата над Германија во Дуизбург со 2:1 во квалификациите за Светското првенство.
Нашите репрезентативци одигра одличен натпревар и со головите на Горан Пандев и Елиф Елмас ја шокираа Германија на нивен терен. Натпреварот започна со доминација на Германија, но заврши со голема победа на нашата репрезентација.
Македонија поведе со 1:0 со гол на Горан Пандев во судиското продолжение на првото полувреме.
Германија дојде до израмнување на резултатот со голот на Илкај Гундоган од пенал во 63.минута. Македонија во финишот од средбата дојде до предност со голот на Елиф Елмас во 85.минута.
ПОВРЗАНИ ВЕСТИ
Победата на Македонија одекна во светските медиуми: „Срамен пораз за Германија на домашен терен“
(Видео) „Лудило“ во соблекувалната на македонските фудбалери по победата над Германија
Фото: ФФМ