Не престануваат притисоците и заканите врз Македонците во Пустец за да се пишат како Бугари

Претседателот на бугарската фондација “Македонија“, Виктор Стојанов отворено им се закани на Македонците во Пустец, доколку на пописот во Албанија, кој е во тек, не се пишат како Бугари.

„До сите жители на општина Пустец, Албанија: „Доколку сега на пописот не се пријавите како етнички Бугари, во најкус можен рок ќе ви бидат одземени бугарските државјанства, а доколку сте во постапка – веднаш ќе ви бидат прекинати процедурите. Веќе имаме еден таков случај. Размислете“, напиша Стојанов на својот Фејсбук профил.

Бугарски активисти, претставници на власта и невладини организации периодов се активни меѓу Македонците во Албанија и се обидуваат да ги убедат дека се Бугари.

ПОВРЗАНИ ВЕСТИ

Која е бугарската фондација „Македонија“ која најави отварање на нови онлајн медиуми во Македонија