Мислам дека Рамиз Мерко треба сам да донесе одлука по однос на неговиот однос со граѓаните коишто го избрале, изјави министерот за надворешни работи Бујар Османи на прашање дали струшкиот градоначалник треба да даде оставка по именувањето на црната листа на САД
„Да сум јас гласач во Струга, да беше тоа градоначалник од Чаир, ќе кажев мое мислење. Меѓутоа јас не сум го гласал, ниту живеам во Струга, и мислам дека тоа е прашање на односот помеѓу градоначалникот и граѓаните коишто го избрале. Во однос на партиските функции, државните функции апсолутно сме недвосмислени во тој дел,“ рече Османи.
Тој посочи дека ДУИ го кажале нивниот став оти бараат сеопфатна домашна и меѓунардна истрага и активирање на сите можни механизми, како и дека се замрзнуваат сите позиции во партијата.
– Тој однос е меѓу градоначалникот и граѓаните и сами треба да го решат. Нашиот став го кажавме и мислам дека од сите досегашни реакции во регионот, бидејќи имаше црни листи во Албанија и во други држави, единствена ваква реакција имате од ДУИ, рече Османи.
ПОВРЗАНИ ВЕСТИ
Обвинителството сѐ уште проучува дел од предметите против Мерко
Сите знаеле што прави Мерко ама никој не го спречил
МИА/Фото: Мерко/Фејсбук