Најголемо влијание врз огрничувањето на обемот на производството во преработувачката индустрија имаат недостигот од квалификувана работна сила со 28.7%, недоволната домашна побарувачка со 15.5%, недоволната странска побарувачка со 15.3% и неизвесното економско окружување со 8.9 %.
Ова го покажува најновата анкета на Државниот завод за статистика меѓу раководителите на деловните субјекти-преработувачи од чија активност битно зависи економскиот пораст во земјава.
„Состојбата на обезбеденоста на производството со порачки во јануари 2019, во однос на декември 2018 година е поневолна, очекувањата за обемот на производството во наредните три месеци се понеповолни во однос на претходниот месец, а залихите на готовите производи се зголемени во однос на декември 2018 година“, укажуваат преработувачите.
Оценката за економската состојба на деловните субјекти во јануари 2019 година е понеповолна во однос на претходниот месец, а e поповолна во однос на јануари 2018 година.
„Се очекува бројот на вработените да се зголеми. Просечното искористување на капацитетите на деловните субјекти во јануари 2019 година изнесува 68.2 % од нормалното искористување“, се вели во истражувањето.
Важно известување
Посети ја новата страница