Сакајќи сликовито да ја објасни фазата на изградба на гасoводот преку сртот на планината Водно, скопскиот градоначалник Петре Шилегов изјави дека власта состојбата со гасоводот ја начекала како несакана бременост во поодмината фаза, во која абортусот е критичен за животот на мајката и детето.
Ваквата несоодветна споредба во која проект за изградба на гасовод се споредува со раѓање на човечки живот само покажува до кој степен можат да бидат безосетни избраните функционери давајќи недоквакани изјави кои немаат никаква врска со реалноста.
Шилегов дополни дека иако лично не се согласува, како градоначалник мора да ги почитува преземените обврски и издадените одобренија, што не е точно бидејќи градот и Владата се тие што имаат моќ да ја променат трасата на гасоводот, макар за тоа плаќале и пенали.
Сега, се поставува прашањето дали Шилегов проектите од Скопје 2014 како што се галиите и фонтаните во Вардар ги гледа како израснати деца, па не се осмелува да ги тргне бидејќи тоа би било убиство?
Фото: Фејсбук/Шилегов