Рускиот претседател Владимир Путин на синоќешната средба во Москва му кажал на генералниот секретар на ОН, Антонио Гутереш дека самопрогласените Доњецка и Луганска Народна Република станале независни по аналогија со одлуката на Меѓународниот суд на правдата за ситуацијата на Косово која, како што истакнал, сите ја поддржале, пренесуваат светските агенции.
„Лично ги прочитав сите документи на Меѓународниот суд на правдата за ситуацијата на Косово. Добро се сеќавам на одлуката на Меѓународниот суд, која вели дека во остварувањето на правото на самоопределување одредена територија на која било држава не е обврзана да побара дозвола од централните власти на земјата за да прогласи суверенитет.
Тоа беше кажано за Косово, а ова е одлука на Меѓународниот суд. И оваа одлука сите ја поддржаа“, кажал Путин.
Тој додал дека Доњецк и Луганск го имаат истото право да се изјаснат за својот суверенитет без дозвола од централната власт „бидејќи е создаден преседан“.
Фото: Гутереш/Фејсбук