Никица Корубин од Либерално-демократската партија на својот Фејсбук профил, најави дека од денеска ќе настапува како независен пратеник и во рамки на ЛДП ќе делува како фракција.
“Сакам да ве информирам дека од денес настапувам како независен пратеник/ЛДП во Собранието на Република Македонија, во рамките на пратеничката група на СДСМ и коалицијата.
Утре ќе го известам претседателот на Собранието на Република Македонија.
Во рамките на ЛДП ќе делувам како фракција. Ако сакаме демократија во општеството, мора да имаме демократија во политичката партија. Лошите пракси во политичката партија се рефлектираат во државата и општеството.
Затоа мора да се спротивставиме на секое нарушување на принципите на делување по правила и стандарди, бидејќи политиката не е за личниот, туку за општиот интерес. Од секого од нас зависи, само доколку ја разбереме моќта на позицијата која ја имаме“, напиша Корубин.
ПОВРЗАНИ ВЕСТИ
Горан Милевски реизбран за лидер на ЛДП, порача дека нема да го подржи предлог законот за амнестија
Фото: Корубин/Фејсбук
Важно известување
Посети ја новата страница