Телеметриската сеизмолошка мрежа во земјава одржувана од Сеизмолошката опсерваторија при скопскиот Природно-математички факултет, вечерва во 19 часот и 38 минути регистрира земјотрес чиj епицентар се наоѓа 260 километри јужно од Скопје, во соседна Грција.
Како што соопшти Сеизмолошката опсерваторија при ПМФ, земјотресот бил со локална магнитуда од 5,9 степени според Рихтеровата скала.
Според досегашните податоци, земјотресот е почуствуван на целата територија на земјава со интензитет од III-IV степени според Европската макросеизмичка скала.
Како што претходно јави дописничката на МИА од Атина, епицентарот на земјотесот бил во близина на грчкиот град Лариса, јужно од Еласонас, каде што вчера беше регистриран потрес со јачина од 6 степени според Рихтер, кој предизвика материјални штети.
ПОВРЗАНИ ВЕСТИ
Силен земјотрес од 6,3 степени ја погоди Централна Грција, а ударот се почувствува и на Балканот
Македонка која живее во Лариса за МИА: Беше морничаво, тресе цело време по големиот земјотрес
МИА