Ројтерс објави дека во јуни минатата година српскиот тенисер Новак Ѓоковиќ купил данска фирма, која работи на развивање лек за Ковид-19.
Информацијата ја потврди извршниот директор на фирмата, Иван Лончаревиќ, кој откри дека Ѓоковиќ купил 80% од акциите на „Квантбиорес“, но не каже колку платил за тоа.
Фирмата развива пептид, кој го спречува коронавирусот да ја зарази човечката клетка и се очекува да почне со клиничките тестирања во Велика Британија летово.
Фирмата има десетина истражувачи кои работат во Данска, Австралија и Словенија, а според данскиот регистар на компании, Ѓоковиќ е сопственик на 40,8%, а неговата сопруга Јелена на 39,2% акции.
ПОВРЗАНИ ВЕСТИ
Ѓоковиќ ќе биде депортиран: Судот ја одби жалбата
Ѓоковиќ повторно во имиграциски притвор: Сојузниот суд на Австралија ќе одлучува по неговата жалба
Фото: Фејсбук/Ѓоковиќ