Новата ски-патека која ќе биде отворена сезонава го доби името, а избран е и кумот кој се бираше на фејсбук-страницата на ски-центарот Маврово.
„Чест ни е да ви соопштиме дека името на новата патека во ски-центар Маврово ќе биде „52“ (педесет и два) во чест на 52-цата загинати градители на Мавровскиот хидроенергетски систем, граничари и жители на неколку горнорекански села кои трагично го загубија животот во снежната лавина ноќта помеѓу 10 и 11 февруари 1956 година.
Кумот на новата ски патека е Оливер Мицевски, чиј предлог доби најмногу гласови, односно лајкови. Благодарност до него и до сите останати за креативните предлози. Повеќе детали околу обележување на патеката и поставување на знаците ќе објавиме дополнително“, информираат од ски-центарот.
ПОВРЗАНИ ВЕСТИ
Нова ски-патека во Маврово, награда за „кумот“ кој ќе предложи име на патеката
Фото: Фејсбук-страница на ски-центар Маврово