Новата косовска Влада на премиерот Авдулах Хоти ги укина двете одлуки за постепено воведување реципроцитет кон Србија на претходната влада на Албин Курти со што ја запре отворената трговска војна.
Премиерот Хоти ја оцени денешната одлука како мошне значајна и порача дека очекува соодветна реакција и од српската страна, со цел да се отвори патот за продолжување на дијалогот.
„Донесовме значајна одлука за отстранување на пречките за продолжување на дијалогот. Очекуваме и српската страна да ги отстрани сите пречки, меѓутоа ние го задржуваме нашето право како суверена држава да воведеме мерки за зачувување на нашиот суверенитет“, изјави Хоти.
Тој очекува по отстранувањето на пречките да продолжи дијалогот со Србија и дека одлуките ги донел во координација со меѓународните партнери.
„Овие одлуки доаѓаат како резултат на координацијата со меѓународните партнери. Заложбите кои ги презедовме се дека ќе ги укинеме пречките за дијалогот. Отстранети се сите пречки на определен рок. Доколку дијалогот не ги донесе очекуваните резултати, ние го задржуваме правото повторно да ги воведеме“, изјави Хоти.
МИА
ПОВРЗАНИ ВЕСТИ
(Видео) Косово доби нова Влада, ќе ја води Авдулах Хоти
Косово повторно ја разгоре трговската војна со Србија