Во напорите за засилување на дијалогот и зацврстување на довербата, сето во функција на унапредување на добрососедските односи, објавувањето на предизборни спотови во кои се изразуваат територијални претензии и еднострани чувства за припадност и присвојување кон друга соседна држава, не е во духот на градење пријателство и почитување на европските вредности, за кои заедно толку многу се заземаме, реагираат од Министерство за надворешни работи.
„Очекуваме официјалните претставници на Република Бугарија да се оградат и ги осудат ваквите настапи на една од потенцијалните политички учесници во највисокиот дом на Бугарија,“ велат од МНР.
Во предизборниот спот на партијата ВМРО-БНД на поранешниот министер за одбрана, Красимир Каракачанов во моментот кога оди напис „За блгарштината“, се прикажува слика од Охрид, што се толкува како израз за територијални претензии.
ПОВРЗАНИ ВЕСТИ