Основното јавно обвинителство Скопје поднесе Обвинителен предлог против едно лице кое на Фејсбук му се зканувало на поранешниот премиер и лидер на СДСМ, Зоран Заев.
Обвинетиот кој се товари за продолжено кривично дело загрозување на сигурноста, во објавените коментари повикувал на физичка ликвидација на оштетениот и ја загрозил неговата сигурност.
Во периодот од 23.07.2019 година до 24.07.2019 година, соопшти денеска Јавното обвинителство, во повеќе наврати извршил временски поврзани дејствија што претставуваат повеќекратно остварување на истото дело.
– Тој е обвинет дека преку информатички систем, на својот профил на социјалната мрежа Фејсбук, објавил повеќе закани дека ќе стори кривично дело за кое е пропишана казна затвор од најмалку пет години, се појаснува во соопштението од ЈО.
Фото: Влада