На денешното рочиште за автобуската несреќа кај Ласкарци во која загинаа 16 луѓе, а 38 беа тешко повредени пред судот се изјаснија дека не се чувствуваат виновни.
Обвинети за несреќата се сопственикот на компанијата „Дурмо Турс“, Дурмиш Белули, вработениот во „Дурмо Турс“, Ремзи Мифтари, машинскиот инженер порано вработен во техничкиот преглед, Игор Ѓорѓиевски, како и возачот Маноил Трифуновски.
Обвинителот Дарко Јакимовски денес изјави дека уреди за лажирање на брзината биле ставени во автобусот на „Дурмо Турс“. Имено, возачите на оваа компанија ги активирале со прекинувач, за да не се прикаже реалната брзина на движење.
Обвинетите се товарат за тешки дела против безбедноста на луѓето и имотот во сообраќајот.
Фото: Дурмо турс
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.