Основното јавно обвинителство Скопје оформи предмет по допрен глас во врска со настанот што се случи на 19.09.2018 година, кога по дојава на жители од зграда во скопската населба Аеродром, во стан во истата зграда беше откриено дека семејство со едно малолетно дете живее во исклучително лоши хигиенски услови.
Предметот е оформен во насока на проверка дали детето кое што живее во станот со неговата баба е запоставено од неговите родители.
Во таа насока, Основното јавно обвинителство Скопје издаде наредба до СВР-Скопје да ги направи сите неопходни проверки со родителите на детето. Воедно, од Центарот за социјални работи на Град Скопје беше побарано да формира стручен тим, кој ќе изготви детален извештај за семејството во кое живее детето. Тимот ќе треба да провери дали семејството до сега било пријавувано во Центарот, дали било интервенирано од нивна страна и дали има пропусти во грижата на родителите за развојот на детето.
По направените проверки и обезбедените докази ќе биде донесена јавнообвинителска одлука.
ПОВРЗАНИ ВЕСТИ
МВР со детали за пелените кои предизвикаа евакуација
Таткото на децата од станот во „Скопјанка“ нема поднесено барање за предоверување
Евакуацијата на станарите во ТЦ Скопјанка бил поради мелни пелени