Од утре под влијание на влажен бран времето ќе биде променливо облачно со повремени врнежи од дожд, кои на повисоките планини повремено ќе преминуваат во снег, најавуваат од Управата за хидрометеоролошки работи (УХМР).
Наместа и особено во планинските региони ќе има пообилни врнежи, а во сабота и локална нестабилност со пороен дожд и грмежи.
Утре ќе дува засилен ветер од јужен и југозападен правец, а на почетокот на следната седмица ќе има преодно стабилизирање на времето.
Времето денеска ќе биде променливо облачно со повремени врнежи од дожд. Врнежите од дожд, според ќе бидат од средината на денот и најпрвин во западните делови од земјата каде што повремен дожд ќе има и во ноќните часови.
Во текот на денот ќе дува и умерен до засилен ветер од јужен правец. Утринската температура ќе биде од 2 до 10 Целзиусови степени, а во текот на денот од 8 до 17 Целзиусови степени.
Во Скопје, времето денеска ќе биде променливо облачно со умерен до засилен ветер од југоисточен правец. Попладне и во текот на ноќта ќе има повремени врнежи од дожд. Температурата ќе биде 5 степени наутро, а во текот на денот ќе се искачи до 15 Целзиусови степени.