Од Ковид-19 почина момче на 27 години од Липково, немало други заболувања

Момче на возраст од 27 години од Липково почина на Инфективната клиника во Скопје од Ковид-19.

Како што објави порталот МКД.мк, момчето било примено на Инфективната клиника во исклучително тешка состојба.

„27-годишниот пациент, почина на Клиниката за инфективни болести каде беше примен во исклучително тешка состојба.

Пред да биде донесен на Клиниката, 6 дена се лекувал дома, 4 дена бил под надзор на матичен лекар, а 2 дена бил лекуван амбулантски во Кумановската болница.

Поради нагло влошување на состојбата и пад на сатурацијата до 50% пациентот е префрлен на Клиниката во Скопје во исклучително тешка состојба, каде беше ставен на неинванзивна вентилација.

Пациентот немаше хронични заболувања, освен покачена телесна тежина“, велат од Министерството за здравство за порталот.

ПОВРЗАНИ ВЕСТИ

35-годишниот пациент кој вчера почина од Ковид-19 немал никакви претходни заболувања