Од последици на Ковид-19 денеска почина Рефик Зенку, дописник на Медиумската информативна агенција.
Зенку беше дописник за МИА од Кичево во изминатите девет години. За настаните во Кичево и околината известуваше до последен момент, додека не беше дијагностициран од Ковид-19.
Зенку три недели се бореше со коронавирусот и се лекуваше во болницата „8ми Септември“. Вчера состојбата му се влошила, а лекарите не успеале да го спасат.
Рефик Зенку беше новинар со долгогодишен стаж со речиси три децении во новинарството. Неговиот последен новинарски ангажман беше во локалната телевизија ТВ Гура дописник на МИА од Кичевскиот регион. Покрај редовните, новинарски задачи како известувач, беше познат и како новинар кој известуваше и извонредно го познаваше локалниот спорт.
Роден е на 18 мај 1965 година во Кичево.
МИА упатува најискрено сочувство до најблиските на Зенку.
МИА/Фото: МЗ