По изјавата на бугарскиот претседател Румен Радев дека членовите на ОМО Илинден се сепаратисти, се огласија од забранетата партија на Македонците во Бугарија.
“Изјавата на Радев е лага и клевета и како таква е срамна за сите, а особено за претседателот, бидејќи срамот паѓа на сите граѓани.
Нашата партија никогаш не се залагала за некаков сепаратизам. Досега ниту една македонска организација или Македонец во Бугарија не е обвинет, суден или осуден за сепаратистички дејства.
Лагата за наводниот наш сепаратизам се користи за да се оправда систематската дискриминација на која се изложени бугарските граѓани со македонска самосвест, што доведе до 14 пресуди против Бугарија од страна на Судот за човекови права.
Во последните 18 години дискриминацијата на Македонците во Бугарија е присутна во сите извештаи на меѓународни институции за човекови права“, велат од ОМО Илинден.
ПОВРЗАНИ ВЕСТИ
“ОМО Илинден биле сепаратисти“: Радев лут на Пендаровски оти се сретнал со Македонците од Бугарија
Фото: Кабинет на претседателот