Министерството за здравство информира дека рапиден раст е детектиран на реинфекции со Ковид-19, во период од 15 август до 22 август.
„Институтот за јавно здравје анализирајќи ја неделната епидемиолошка состојба во државата има детектирано дека во период на една недела 54 лица кои еднаш биле позитивни на Ковид-19, повторно се заразиле со вирусот.
Ако се анализира состојбата од почетокот на пандемијата, заклучно со 22 август 2021 година, во земјата вкупно се детектирани 351 случај на повторно заразување со вирусот,“ се вели во анализата.
Министерството за здравство укажува на важноста на вакцинација, секоја вакцина која ја имаме на располагање е безбедна, ја намалува шансата од заболување, спречува тешка форма на болеста и штити од смртен исход.
ПОВРЗАНИ ВЕСТИ
83% од новите случаи и 89% од хоспитализираните со Ковид-19 се невакцинирани
Од 276 починати од Ковид-19 во последните три недели, 30 биле вакцинирани
Фото: Photo by Louis Reed on Unsplash