Времето утре ќе биде студено, а преку денот променливо облачно со сончеви периоди. Кон крајот на денот облачноста ќе се намали. Ќе дува умeрен до засилен ветер од северен правец, поизразен долж Повардарието.
Како што информира Управата за хидрометеоролошки работи, во Скопје претпладне ќе биде умерено до значително облачно, попладне облачноста ќе се намалува. Ќе дува умерен, повремено засилен ветер од северен правец. Минималната температура ќе биде пет, а максималната 18 степени.
Во следните денови утрата ќе бидат студени, а до петок и дневната температура ќе биде под просекот за овој период од годината.
В петок ќе има услови за слаб локален дожд.
Од сабота дневната температура ќе биде во значителен пораст.
Во следните три дена минималната температура ќе се движи од нула до 11 степени, а максималната од 13 до 25 степени.
Фото: Град Скопје