Од утре времето ќе биде променливо и посвежо, на повеќе места нестабилно со пороен дожд и грмежи.
Како што најавува Управата за хидрометеоролошки работи, локално процесите ќе бидат во форма на невреме со интензивен пороен дожд, силни електрични празнења, силен ветер (над 70 километри на час) и појава на град.
И во Скопје ќе има честа појава на нестабилност, а повремено ќе има услови да биде и во форма на невреме. Дневните температури ќе бидат во опаѓање.
Утре минималните температури ќе се движат од 13 до 20 степени, а дневните од 25 до 33.
Останатите денови од неделата дневните темпратури ќе бидат во интервал од 23 до 32 степени.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.