Кривичниот совет на Одделението за организиран криминал и корупција, при Кривичниот суд го одби предлогот за условен отпуст на Зоран Милески-Кичеец, правосилно осуден на три години затвор за случајот „Рекет“.
– Постапувајќи по предлог на Директорот на КПД Струга – Отворено одделение, за условен отпуст на З.М. правосилно осуден во предметот на овој суд со КОК бр. 131/19 во јавноста познат како „Рекет“, Кривичниот совет на одделението за организиран криминал и корупција, по одржана седница на совет на 12.11.2021, донесе решение со кое предлогот се одбива, соопшти денеска Основен кривичен суд Скопје.
Од Кривичен суд, информираат дека решението во текот на денешниот ден е експедирано до странките во постапката кои имаат право на жалба во рок од осум дена, преку овој суд до Апелацискиот суд Скопје.
ПОВРЗАНИ ВЕСТИ
За сообраќајката во која загина 32-годишен маж, Зоран Милески-Кичеец доби шест месеци затвор
Зоран Милески Кичеец преместен во полуотвореното одделение во Затворот Струга
Фото: МИА