Со поврзување на улиците „Димитар Влахов” и “Борис Кидрич”, Берово доби нова пешачка и вело-патека. Како што информираше градоначалникот на Берово, Звонко Пекевски патеката е изградена со средства од буџетот на општината.
-Општина Берово, постојано се труди за подобрување на условите за живот на граѓаните. Во таа насока деновиве е изградена патека со бекатон плочки, како спој на улиците Димитар Влахов и Борис Кидрич, која е често користена пешачка патека од страна на жителите на Општина Берово. Патеката е изградена во должина од 65 метри и широчина од 2,5 метри, а ќе служи како пешачка и велосипедска патека – вели Пекевски.
Додава дека средствата, во износ од 254 илјади денари, се обезбедени од буџетот на Општина Берово за 2018 година. Претходно со изградба на колско-пешачка патека во Берово беа поврзани улиците Братство и Единство и Балканска.
Како што информираа од општината градежните активности во Берово продолжуваат во новата 2019 година.
МИА/Фото: visitberovo.mk