Одложена контраверзната посета на косовскиот заменик-министер за правда на Скопје

Посетата на косовскиот заменик министер за правда, Блерим Салаху на Скопје е одложена, потврдија за МИА од Министерството за правда во Скопје.

Салаху требаше да го посети затворот „Идризово“ и да оствари средба со раководството на установата.

Вчера заменик-министерот за правда, Агим Нухиу потврди за МИА дека денеска ќе има средба со неговиот косовски колега Блерим Салаху, но демантираше дека е предвидена средба со осудените косовски државјани во случајот „Диво Насеље“.

Премиерот Зоран Заев и лидерот на Алтернатива, Африм Гаши, меѓу другите точки за влез на Алтернатива во Владата, договорија и меѓународен мониторинг на случаите „Диво насеље“, „Монструм“, „Алфа“, „Алмир Алиу“.

ПОВРЗАНИ ВЕСТИ

Заменик-министерот за правда Нухиу демантира дека косовскиот заменик-министер за правда ќе има средба со осудените во „Диво насеље“

Косовскиот заменик-министер за правда најави посета на осудените за „Диво насеље“

МИА