На булеварот „Туристичка“ во Охрид почна поставувањето на автоматска мониторинг станица за следење на квалитетот на амбиентниот воздух, проект на Министерството за животна средина и просторно планирање, вреден околу 100.000 евра.
Станицата ќе биде дел од државната мрежа за мониторинг на квалитетот на амбиентен воздух и ќе биде управувана од ресорното министерство, а Општина Охрид ги обезбедила сите потребни одобренија и дозволи за поставување, согласно законската регулатива.
– Со овој уред ќе се воспостави механизам за редовно следење на состојбата со квалитетот на воздухот и изворите на загадување, што е од особено значење за жителите на Охрид, информира општинската прес-служба.
Фото: Министерство за економија
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.