Охридската пекара „Лихнида“ нуди помош на оние кои најмногу им треба, односно дава пецива и леб без пари. Идејата се родила од актуелната состојба со пандемијата на Ковид- 19.
„Бројот на луѓе кои доаѓаат во нашата пекара е педесеттина на ден, па и повеќе. На почетокот интересот беше помал, поради срам од околината, но гледаме дека таа бројка е се поголема.
Гледаме дека многу луѓе останаа без работа во овој период на пандемија и живеат на работ на егзистенција. Сакаме да помогнеме, да дадеме наш скромен придонес, за оние наши сограѓани на кои сега помошта им е повеќе од неопходна“, велат од пекара Лихнида во Охрид.
Oд таму се надеваат дека нивниот чекор, ќе биде пример и за други компании од градот и пошироко, да помогнат на заедницата начин на кој можат.
Извор: Православно секојдневие/Фото-вест на Мики Трајковски од Охрид/Фото: Лихнида/Фејсбук