Во периодот јануари-март 2019 година „Оилко“ КДА Скопје оствари вкупни приходи во висина од 80,2 милиони денари и кај истите има 7,93% зголемување споредбено со истиот период од 2018 година, а вкупни расходи изнесуваат 85,3 милиони денари и кај истите има 6,92% зголемување споредбено со истиот период од 2018 година, соопшти компанијата преку Македонската берза.
„Друштвото заклучно со 31.03.2019 година оствари загуба во висина од 5,1 милиони денари и истата е намалена за 7,27% споредбено со истиот период од 2018 година. Вкупните оперативни приходи се зголемени како резултат на зголемената продажба на домашен пазар и зголемената продажба на странските пазари.
Вкупните оперативни расходи се зголемени како резултат на зголемени трошоци за суровини и материјали, зголемени трошоци за услуги со карактер на материјални трошоци, зголемени трошоци за вработените и зголемени трошоци за амортизација“, информираат од компанијата.
Фото: Оилко