Српскиот тенисер Новак Ѓоковиќ по шести пат го освои Вимблдон победувајќи го италијанскиот тенисер Матео Беретини со резултат 6:7,6:4,6:4,6:3.
Со победата на Вимблдон тој дојде до 20 грен-слем титула, со што се израмни со Рафаел Надал и Роже Федерер.
Ѓоковиќ му честиташе на Беретини за неговата игра, предвидувајќи му дека му претстои одлична кариера.
Тој се осврна и на неговата 20 титула оддавајќи им признание и на Федерер и Надал, поради кои, како што рече, е таму каде што е.
Ѓоковиќ го воодушеви светот со приказната за тоа што значи победата на Вимблдон за него.
„Да се победи на Вимблдон е најголемиот сон за мене. Кога имав седум години го правев овој трофеј од се што ќе најдев во мојата соба, а сега стојам со шестиот трофеј од Вимблдон во рацете,“ рече Ѓоковиќ.
Фото: Фејсбук/Вимблдон