Високата претставничка на Светската здравствена организација (СЗО), Марија ван Керхове ги предупреди земјите кои мислат дека ставиле крај на пандемијата на коронавирусот, бидејќи бележат пад на бројот на новозаразени, дека омикрон не е последниот сој на оваа пандемија.
– Во многу земји како Велика Британија, каде има развиено високо ниво на имунитет на населението од инфекции, каде што покриеноста со вакцинација е висока, ќе видат разлика во иднина. Вие се наоѓате во втората фаза од пандемијата, рече таа за Би-Би-Си.
Таа истакна дека од досега администрираните 10 милијарди дози вакцини против коронавирусот, има уште три милијарди луѓе кои ја чекаат првата доза.
– Сè уште имаме многу чувствителна популација. Тоа е глобален проблем, затоа мораме да го третираме со глобални решенија, рече таа, додавајќи дека пандемијата на коронавирусот нема да заврши со овој бран на омикрон и дека тоа не е последниот сој за кој ќе зборува.
ПОВРЗАНИ ВЕСТИ
Д-р Драган Ѓорѓиевски: Омикрон често ги напаѓа очите
„Атипична силна главоболка, гребење во грло“: Д-р Беќаровски ги објаснува симптомите на омикрон
МИА