„Северномакедонци“ е ненамерна грешка, тврдат од Кабинетот на Макрон

Шефот на дипломатијата Бујар Османи денеска оствари телефонски разговор со Кабинетот на францускиот претседател Емануел Макрон, од каде доби уверување дека при употребата на придавката за граѓаните на Македонија е направена ненамерна грешка, информира Министерството за надворешни работи.

Според МНР, при разговорот на Османи му е потврден официјалниот став на Франција за целосно почитување на официјалното име на државата, државјаните на Македонија, како и соодветните придавки, на начин како што тие се дефинирани и прифатени во Обединетите нации, согласно Преспанскиот договор.

Реакцијата уследи по две изјави на Макрон во кои ја употреби придавката „Северномакедонци“.

ПОВРЗАНИ ВЕСТИ

Најчевска: Преименувањето во “северномакедонци“ е прекршување на меѓународното право, отсуството на реакција е неприфатливо

Макрон го поздрави гласањето во Собранието на Бугарија и пак не нарече „Северномакедонци“

Фото: Влада