Министерот за надворешни работи Бујар Османи денеска се сретна со новоименуваната амбасадорка на САД, Анџела Агелер, по повод предавањето копии од акредитивните писма.
„Очекувам искуството со кое доаѓа амбасадорката да придонесе за натамошно зајакнување на билатералните односи и продлабочување на соработката.
Стратешкиот дијалог меѓу С Македонија и САД веќе почна да носи резултати, надградувајќи го со тоа долгогодишното стратешко партнерство и сојузништво во рамки на НАТО Алијансата.
И натаму ја очекуваме американска поддршка за демократскиот развој и евроинтегративниот процес на земјава, како значаен влог во стабилноста и целокупниот регионален напредок,“ напиша Османи на Фејсбук.
Фото: Фејсбук/Османи
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.