Министерот за надворешни работи, Бујар Османи во дебатниот магазин „Click Plus“ на ТВ 21 одговори на шпекулациите во јавноста дека го засенува вицепремиерот за европски прашања, Никола Димитров.
„Никола Димитров е вицепремиер за ЕУ, јас сум МНР. И двајцата си ја вршиме својата работа. Јас не му се мешам него во работата, тој не ми се меша мене. И двајцата работиме во интерес на граѓаните“, порача Османи.
Тој додаде дека не знае зошто во јавноста се шпекулираат овие наводи.
„Зошто во јавноста се шпекулира дека Димитров е засенет од мене, не можам да кажам, но јас не мислам така“, рече Османи.
Фото: МНР
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.