Државниот јавен обвинител Љубомир Јовески во интервју за МИА вели дека амнестијата за учесниците во настаните на 27 април во Собранието е политички чин и не го коментира.
„Доколку ова зависеше од мене и од обвинителот кој постапува по предметот, Вилма Русковска, тоа немаше да се случи. Меѓутоа ова е мој професионален став, а Собранието при донесувањето на Законот ценело други околности кои мене не ми се познати.
Обвинителството професионално ќе постапува до завршување на предметот. Но морам да укажам дека постапката за амнестија придонесе и за разјаснување на некои делови од настанот. Изјавите во судницата, на изненадување на многумина, укажаа на моменти од подготовка на случувањата на 27 април. Го разбирам разочарувањето на граѓаните и реакциите, но повторувам тоа е политичка одлука. Обвинителството е должно да го примени законот“, истакнува државниот јавен обвинител Љубомир Јовески во интервјуто.
МИА
ПОВРЗАНИ ВЕСТИ
Прочистување или упад во правото: Амнестија во просек на секои 4,5 години
Амнестија „кому иде“: Што да кажат затворените за кражба на ќебапчиња?