Претпладнево на Универзитетската Клиника за Кардиохирургија ги посетив пациентите на кои на 19 мај и на 10 јуни им беше трансплантирано срце од починат донор, информираше министерот за здравство Венко Филипче на неговиот Фејсбук-профил.
„Двајцата пациенти се во добра и стабилна состојба. Првата трансплантирана пациентка пополека целосно се опоравува, а вториот пацент е се уште на Oдделот за интензивна нега и терпија, но е во добра состојба.
Со трансплантациите на срце почнавме едно ново поглавје во медицината во земјава кое отвори надеж за хронично болните пациенти кои немаа друг избор за лекување.
Семејствата пак на Емилија, Верица, Марија, Јасмина, Борче со нивниот хуман гест ја разбудија свеста за органодонорството и ни покажаа што значи да се дарува орган за да се спаси нечиј живот,“ пишува Филипче.
ПОВРЗАНИ ВЕСТИ
Убава вест: Пациентката на која и беше трансплантирано срце е стабилна, сите параметри се добри
Фото: МЗ