Микробиологот проф. Д-р Никола Пановски, за Нова Македонија вели дека колку повеќе новозаразени има, толку поголем ќе биде и бројот на хоспитализации, а со тоа и бројот на починати лица.
Тој вели дека кога во септември минатата година имало по 2.400 заразени на ден, имало и до 50 смртни случаи дневно.
– Омикронот да беше смртоносен како делта-сојот, на овој број на заразени ќе имавме и до 70 смртни случаи на ден. Омикронот ја намалува смртноста процентуално, но сепак имаме бројка на смртни случаи на дневни ниво која не е мала, посочува тој.
Сепак, Пановски очекува кога бројот на позитивни случаи на дневно ниво ќе се намали на 500 новозаразени, да нема повеќе од пет смртни случаи на ден.
– Кога ќе се намали бројот на смртни случаи, тогаш веројатно дека ќе доминира омикрон-сојот. Но, за сето ова да е релеватно и да се базира на факти, треба институциите да посочат детални податоци, заклучува професор Пановски.
ПОВРЗАНИ ВЕСТИ
Доктор Даниловски: Омикрон пламна како шумски пожар, но се повеќе му недостасува кислород за горење
„Атипична силна главоболка, гребење во грло“: Д-р Беќаровски ги објаснува симптомите на омикрон