Папата Франциско изјави дека геј-луѓето треба да може да го легализираат своето партнерство во документарец кој беше премиерно прикажан денеска, пренесе „Ројтерс“.
„Хомосексуалците имаат право да бидат семејство. Тие се божји деца и имаат право на семејство“, рече папата во изјавата.
„Неопходно е да се донесе закон за граѓански брак. На тој начин тие ќе бидат законски опфатени. Јас се залагам за тоа“, додаде папата, со тоа поддржувајќи го животното партнерство на хомосексуалците, што е досега невидена позиција во рамките на Католичката црква.
Папата Франциско овие ставови ги претстави во документарниот филм „Франческо“, што беше прикажан денеска на Филмскиот фестивал во Рим и се занимава со ликот и делото на сегашниот папа.
Фото: Ројтерс
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.