Пекабеско со зголемена добивка во првите шест месеци од годинава

Пекабеско АД за периодот јануари-јуни 2021 оствари позитивен финансиски резултат искажан во неревидираниот единечен Биланс на успех во износ од 54,9 милиони денари и истиот е повисок за 31% во споредба со претходната година, информира компанијата преку Македонската берза.

“Остварените вкупни приходи од работењето во периодот јануари-јуни 2021 година изнесуваат 2.179,2 милиони денари и во споредба со остварените во истиот период во 2020 година бележат зголемување од 1%.

Во структурата на вкупните приходи најголемо учество од 98,8%, имаат приходите остварени со продажба на готови производи, стоки и услуги кои во споредба со остварените во 2020 година бележат зголемување од 1%.

Приходите од извоз изнесуваат 294 милиони денари и во споредба со остварените во истиот период во 2020 се на исто ниво.

Остварените вкупни расходи во периодот јануари-јуни 2021 година изнесуваат 2.101,1 милиони денари и во споредба со остварените во истиот период во 2020 година се на исто ниво“, велат од компанијата.

ПОВРЗАНИ ВЕСТИ

Пекабеско во првите шест месеци инвестирал 11,2 милиони денари

Колкава плата лани имал Слободан Кутревски и менаџментот на Пекабеско

„Пекабеско“ оствари добивка од 22,9 милиони денари во првите три месеци од годинава

Фото: Пекабеско