Бугарскиот премиер Кирил Петков најостро го осуди палењето на влезот на Културниот центар „Иван Михајлов“ во Битола.
Тој му се заблагодари на премиерот на С.Македонија, Димитар Ковачевски за брзиот одговор и нагласи дека очекува од македонските надлежни служби да ги бара и казни сторителите на овој, како што го нарече, вандалски чин.
-Најостро го осудувам палењето на Културниот центар „Иван Михаилов“ во Битола, кој е обид за провоцирање и дестабилизација на односите со нашите соседи, изјави бугарскиот премиер Кирил Петков во врска со палењето на Центарот за култура во Битола.
Според Петков, бугарската Влада ќе продолжи да работи на заштита на правата на бугарската заедница во С.Македонија и на поддршката на нејзините активности.
Иднината на регионот, дополни Петков, не треба да биде заложник на обидите за дестабилизација на злонамерните маргинални групи.
ПОВРЗАНИ ВЕСТИ
Ковачевски го осуди палењето на објектот на Центарот на бугарската заедница во Битола
МИА/Фото: Влада