Идентитетот на мажот, чие безживотно тело беше извлечено од Вардар кај гостиварското село Чегране уште е непознат. По првичните сознанија од увидот на јавниот обвинител, тој бил застрелан.
Од јавното обвинителство Гостивар, информираат дека бил извршен увид на лице место откако во водите на реката Вардар беше пронајдено безживотно тело на маж на возраст меѓу 30 и 40 години.
Првичните сознанија упатуваат дека станува збор за насилна смрт предизвикана од истрели од огнено оружје.
Јавниот обвинител издал наредба за обдукција на телото и се работи на утврдување на причините за смртта како и идентификација на жртвата.
Завчера попладне, жител на селото, забележал тело на човек под мостот кое било во фаза на распаѓање, по што го пријавил случајот во полиција.
МИА
ПОВРЗАНИ ВЕСТИ
Тело на маж извлечено од водите на Вардар кај Чегране