Во Прилеп денеска нема регистрирано новозаболени од коронавирусот, но регистрирано е дека четворица оздравеле од оваа заразна болест.
Од прилепскиот Центар за јавно здравје информираат дека од почетокот на пандемијата до денеска, се регистрирани вкупно 211 лица позитивни на Ковид-19. Во моментов има 44 активни случаи, од кои 27 се наоѓаат на домашно, а 17 лица на болничко лекување.
Центарот за јавно здравје денеска го започна скринингот на вработените во градинките на територија на општините Прилеп, Крушево, Македонски Брод и Кривогаштани. Тестирањето ќе трае и утре и ќе бидат тестирани околу 230 вработени во градинките.
МИА/Фото: Општина Прилеп
ПОВРЗАНИ ВЕСТИ
Најмногу во Бутел, Сарај, Чаир: Од кои скопски општини се новозаразените со корона вирусот
Од корона вирусот починаа тројца пациенти, вкупната бројка изнесува 122
Oд корона вирусот почина првиот здравствен работник во Македонија