Почнува судењето за нападот врз Пендиков

Во Основниот суд во Охрид денеска треба да се одржи првото рочиште против напаѓачот на секретарот на бугарскиот клуб во Охрид, Христијан Пендиков.

Судскиот процес ќе го води судијата Бојан Мартиноски, а на напаѓачот ќе му се суди за крвично дело напад од омраза со тешки повреди.

Основното јавно обвинителство – Охрид за нападот врз Пендиков поднесе обвинение против две лица.

Едниот обвинет досега се брани со молчење, и како што информираа претходно од Обвинителството, тој се товари за кривичното дело по увид во надзорните камери и изјави на сведоци.

Вториот обвинет, пак, кој беше во бегство, беше приведен минатата недела во Битола.

Инцидентот со Христијан Пендиков се случи на 19 јануари во кафе-бар во Охрид. Случајот предизвика тензии во односите меѓу Софија и Скопје. Бугарските власти испратија авион со кој Пендиков беше транспортиран на лекување во Софија каде што се уште се наоѓа.

ПОВРЗАНИ ВЕСТИ

Обвинителство предложи одземање на пасошот за вториот напаѓач на Пендиков

Охридската полиција го приведе вториот од напаѓачите на Пендиков

Напаѓачот на Пендиков излезе од притвор, остана без пасошот

МИА/Фото: МНР