Под притисок на јавноста Владата ги повлекува предлог-измените за ограничување на протестите

Владата ги повлекува предлог-измените на Законот за јавни собири, има простор за разговори и подобрувања согласно Уставот, информираат од таму.

„Владата ги слушна забелешките на граѓанските организации за најавените предлог измени на Законот за јавни собири и на денешната 164-та седница одлучи да ги повлече предлог-измените со цел да се обезбеди поширока консултација. Владата смета дека има простор за разговори и за подобрување на содржината со цел овозможување слобода на изразување на став на јавни простори низ јасно утврдени регулативи и исклучиво во согласност со Уставот“, се вели во соопштението до јавноста.

Во новите предлог измени, Владата се обиде да го спречи правото на протести со зголемен број на присутни од 20 на 50 и ограничување на времето на протести, но и на местата каде може да се организира протест.

Ова наиде на остра реакција од страна на граѓаните на социјалните мрежи по што Владата попушти.

ПОВРЗАНИ ВЕСТИ

Сите детали: Што предвидува законот со кој се отежнува организирањето на протести