Од Управата за хидрометеоролошки работи информираат дека во попладневните и вечерните часови се очекуваат врнежи од дожд претежно во западните делови на земјата.
„Во крајните западни делови се најавуваат и врнежи со количини од над 25 литри на метар квадратен што може да предизвика зголемување на водостојот на помалите реки и суводолиците во тие делови на земјата, а исто така доколку врнежите бидат од пороен карактер и просторно бидат сконцентрирани во градските урбани средини, можна е локална појава на одредени проблеми во население места.
Препорачуваме на претпазливо движење покрај помалите реки и суводолиците во текот на денов, посебно во западните делови на земјата,“ велат од Центар за управување со кризи.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.