Поради немање лиценца затворена дискотеката пред која се случи убиството на хрватскиот ракометар

Државниот пазарен инспекторат (ДПИ) денеска присилно ја затвори дискотеката „Централ парк“, поранешна „Привилиџ“, потврди за МИА директорката на ДИП, Анета Симеска.

Симеска појасни дека за дискотеката „Централ парк“, по извршени инспекциски надзори, во февруари било издадено решение за забрана за работење поради немање лиценца, кое во март станало правосилно.

Бидејќи сопствениците на дискотеката не го запреле работењето доброволно, денеска ДИП присилно ја затворило дискотеката.

Пред дискотеката „Централ парк“ минатата недела се случи инцидентот со хрватскиот ракометар Денис Тот.

Симеска нагласи дека затворањето на дискотеката не е поврзано со настанот.

ПОВРЗАНИ ВЕСТИ

(Фото) Распишана меѓународна потерница за Анџело Ѓоргиевски за убиството на хрватскиот ракометар

Спасовски со детали за убиството на хрватскиот ракометар: Причината според исказите е недоразбирање на девојката и момчето

(Вознемирувачко видео) Објавена снимка од убиството на хрватскиот ракометар, само едно лице се обидува да му помогне

Фото: Фејсбук/ДПИ