Битката околу Македонија не се води само меѓу Западот и Русија, нов играч на масата е Кина, вели португалскиот аналитичар Бруно Макеаш, поранешен португалски министер за Европа. Во текст со наслов „Нека почнат големите Балкански игри“ објавен на politico.eu тој раскажува за неговите средби со Јанко Бачев и Љупчо Палевски во Скопје на која бил брифиран за состојбата во која се наоѓа Македонија пред референдумот за името.
Тој, меѓудругото, укажува дека руската амбасада во Скопје е легло на шпиони, како и детали од брифингот со Палевски и со европски разузнавачи.
Според него, Палевски му покажал УСБ со снимен разговор меѓу странски амбасадор и македонски политичар кој би можел да предизвика земјотрес на политичката сцена во Македонија.
Токму Палевски го брифирал Макеаш дека битката околу Македонија се води меѓу Западот и Кина, а главна причина за тоа е амбицијата на Кинезите да го озобноват патот на свилата.
„Палевски изгледа многу посериозно од Бачев и пооопасно“, пишува Португалецот.
Според него, Палевски сакал да формира националистичка партија за одбрана на името и сакал токму Кина да застане зад оваа партија.
Сепак, европскиот разузнавач кој исто така го сретнал во Скопје му кажал дека Кинезите не би сакале да имаат ништо со човек како Палевски.
Оргиналниот текст ТУКА.