„Пошта„ информираше дека поради ширењето на коронавирусот во Народна Република Кина, авиокомпаниите кои покрај превозот на патници вршат и транспорт на поштенски пратки за Кина, имаат воспоставено привремена забрана за летовите кон и од Кина.
„Заради тоа, испраќање на поштенски пратки од нашата земја кон примачи на подрачје на Кина, нема да се врши во наредниот период. Поради тоа, ги молиме корисниците на услугите на Пошта за разбирање, а за сите промени навремено ќе ве известиме. Пратките од Народна Република Кина кои сé уште пристигнуваат се доставуваат според вообичаената динамика,“ информираат од „Пошта“.
Вкупниот број на луѓе кои починале од последици од новиот коронавирус во Кина се зголеми на 1.310, а бројот на заразени на 48.206.
За само еден ден, бројот на жртви од новиот коронавирус во кинеската провинција Хубеи нагло се зголеми за 242, но нагло порасна и бројот на заразени – за 14.840.
ПОВРЗАНИ ВЕСТИ
Нагло зголемен бројот за само еден ден: 242 жртви и 14.480 заразени со коронавирусот во Кина