Пандемијата со Ковид-19 допринесе до зголемување на анксиозноста и големи депресивни пореметувања во целиот свет, посебно помеѓу жените и младите, покажува истражувањето објавено во реномираниот медицински часопис „The Lancet“, пренесува rs.n1info.com.
Ова е прва студија која го процени глобалното влијание на пандемијата на големите депресивни пореметувања и анксиозност, наведувајќи ги според годините на старост, пол и локација во 204 земји во 2020 година.
Резултатите покажуваат дека лани, случаите на големи депресивни пореметувања и анксиозност се зголемиле за 28 односно 26 отсто.
„Ова ја нагласува итната потреба за зајакнување на здравствениот систем,“ изјави водечкиот автор на студијата, Дамиен Сантомауро.
Тој додава дека и пред пандемијата, системот на заштита на менталнот здравје во поголем број на држави бил недоволно опремен и неорганизиран.
Жените се повеќе погодени од мажите, а помладите се повеќе погодени од повозрасните групи. Младите страдаа, бидејќи затворањето на училиштата ги држеше подалеку од училиштата, а многу жени се соочија со зголемен ризик од насилство во семејството.
Студијата направена од академици од Унверзитетот Квисленд во Австралија, исто така нотирала 76 милиони дополнителни случаи на анксиозно пореметување и 53 милиони тешки депресивни пореметувања.
„За жал, од бројни причини, жените секогаш имале поголема веројатност дека ќе бидта потешко погодени од социо-економските последици на пандемијата,“ вели коавторката на студијата Алис Ферари.
Се проценува дека за 28 отсто е зголемен бројот на случаи на големо депресивно пореметување на 246 милиони случаи, во однос на проценетите 193 милиони случаи доколку пандемијата не се случеше.
Важно известување
Посети ја новата страница