На плоштадот „Гоце Делчев“ во Струмица денеска повторно е поставена ѕвездата на најдобриот македонски фудбалер, Горан Пандев, која беше искорната и украдена во ноември 2018 година.
– Верувам дека овој пат ѕвездата на Пандев нема да му пречи на никој и ќе остане на градскиот плоштад. Ќе ја чуваме исто како и што се радуваме на успесите на Пандев и промоцијата на нашата општина и држава, рече градоначалникот Коста Јаневски.
Ѕвездата беше поставена во 2010 година како симбол за освоената титула на Пандев европски и светски фудбалски шампион со италијанскиот Интер.
Инаку, досега не се откриени сторителите на кражбата на ѕвездата на Пандев од плоштадот во Струмица.
МИА/Фото: МИА/Фудбалска репрезентација на Македонија/Фејсбук
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.